Эң ири дүйнөлүк туристтик көргөзмөдө Кыргыз Республикасынын павильону ачылды

Эң ири дүйнөлүк туристтик көргөзмөдө Кыргыз Республикасынын павильону ачылды
Германиянын Берлин борбор шаарында 7 марттан 10 мартка — чейин созула турган эл аралык туристтик көргөзмө башталды. 60 тан ашуун өлкөдөн келген дүйнөлүк туристтик индустриянын өкүлдөрү туризм тармагындагы акыркы тенденциялар тууралуу айтып беришет.
Бул иш-чарага Кыргыз Республикасынын Туризм чөйрөсүндөгү КАТО, Туризм департаменти жетектеген КАТОС делегациясы жана туризм тармагынын 21ден ашык өкүлдөрү, Кыргыз Республикасынын эл аралык өнөктөштөрү, GIZ Хельветас-Кыргызстан, “КР туризмди өнүктүрүүнү колдоо фонду” ААК жана Кыргыз Республикасынын Германиядагы элчилигинин колдоосу менен катышууда.
Кыргыз павильонунун ачылыш аземи болуп, ага Кыргыз Республикасынын Германиядагы Атайын жана Ыйгарым укуктуу Элчиси О.Текебаев, ардактуу консул Карл-Уго Э. Элердинг, Туризм департаментинин директору С. Шатманов жана Кыргызстандын туристтик тармагынын өкүлдөрү катышты.
Өтүп жаткан эл аралык туристтик көргөзмөнүн алкагында Германиянын NABU жаратылышты коргоо союзунун филиалы НАБУ Кыргызстан коомдук уюмунун директору Толкунбек Асыкулов бүгүн Германиянын NABU жаратылышты коргоо союзунун “Ак Илбирс экспедициясы” көргөзмөсүнүн иш чарасына катышты. Анын ачылышы бүгүн Кыргызстандын Германиядагы элчилигинде өттү.
#NABUКыргызстан