










NABU Кыргызстан уюму К.И.Скрябин атындагы Кыргыз Улуттук агрардык университетинде, 23-октябрь — Эл аралык илбирс күнүнө карата «Илбирс – керемет жана аярлуу» аттуу ЖОЖ студенттери үчүн атайын окуу семинары өттү.
Иш-чарада илбирстин кыргыз элинин маданиятындагы өзгөчө орду белгиленип, NABU Кыргызстан уюмунун өлкөдө илбирсти коргоо боюнча алгачкы долбоорлору ишке ашырганы айтылды.
Биздин уюмунун кызматкерлери «Кыргызстандагы илбирстин биологиялык жана экологиялык абалы» тууралуу да баяндама жасашты. Анда илбирсти изилдөө ыкмалары, талаа иштери тууралуу маалыматтар берилип, бул жапайы жаныбарды сактоо жолдоруна токтолушту.
Семинарда Кыргыз Улуттук агрардык университетинин “Гидромелорация, экология жана жерге жайгаштыруу” факультетинин жана Бишкек мамлекеттик университетинин “Экология жана менеджмент” факультетинин студенттери илбирсти жана тоо экосистемасын коргоо темасында баяндамаларды сунушташты. Алар экологиялык билим берүүнүн мааниси, тоо экосистемасынын азыркы абалы, тоо-кен ишмердүүлүгүнүн биологиялык ар түрдүүлүккө тийгизген таасири, өзгөчө корголуучу аймактардын ролу жана илбирсти сактоо боюнча сунуштар тууралуу ойлорун ортого салышты.
Ар бир баяндамада аналитикалык маалыматтар жана статистикалык көрсөткүчтөр колдонулуп, туруктуу өнүгүү маселелери да талкууланды. Иш-чаранын жүрүшүндө илбирс жана жапайы жаныбарлар темасындагы фотокөргөзмө да уюштурулду.
Семинардын соңунда катышуучуларга сертификаттар тапшырылып, иш-чара жогорку деңгээлде жыйынтыкталды. Университеттин окутуучулары семинардын маанисин жогору баалап, NABU Кыргызстан уюмуна ыраазычылык билдиришти.
Офис: +996 312 482 220
“Группа Барс”: +996 706 111 596
Пресс служба : +996 500 48 22 20
Email: nabu.org.kg@mail.ru
Адрес: г.Бишкек ул.Табачная, 24