










NABU Кыргызстан уюмунун “Барс” тобунун кызматкерлери Чүй регионалдык башкармалыгынын кызматкерлери менен биргеликте жүргүзүлгөн рейддин алкагында Чүй облусунун Суусамыр өрөөнүндөгү Кичи-Суусамыр жайлоосунда өткөрүлгөн рейддин жүрүшүндө аңчылык куралын мыйзамсыз алып жүргөн эки жаран аныкталды.
Текшерүү учурунда алардан сайлуу эки аңчылык мылтыгы алынды. Кыргыз Республикасынын Укук бузуулар жөнүндө кодексинин 261-беренесинин негизинде ар бирине 10 миң сомдон, жалпы 20 миң сом өлчөмүндө айыппул салынды. Алынган куралдар Жайыл райондук ички иштер бөлүмүнө өткөрүлүп берилди.
Мындан тышкары, мыйзамсыз балык уулоо фактысы боюнча балык кармоочу тор колдонуп жүргөн дагы бир жаран кармалып, ага 5 500 сом өлчөмүндө айып салынды.
Мындай рейддик иш-чаралар мындан ары да улантылып, аңчылык жана балык уулоо эрежелерин сактоо боюнча жергиликтүү тургундар арасында түшүндүрүү иштери жүргүзүлүүдө.

Офис: +996 312 482 220
“Группа Барс”: +996 706 111 596
Пресс служба : +996 500 48 22 20
Email: nabu.org.kg@mail.ru
Адрес: г.Бишкек ул.Табачная, 24