Кызыл китепке кирген аюнун катырылган териси Бишкектин чегиндеги базардан табылды

“Текшерүүлөр маалында сатууга уруксат берилген башка терилердин арасынан күрөң аюунун катырылган териси табылды. Тянь-Шань күрөң аюсу Советтер союзунун кызыл китебине 1978-жылы киргизилген. Азыр анын саны 100гө жетпегендиктен, Кыргызстандын кызыл китебинде турат. Аны кармоого, сатууга, терисин үйүндө сактоого мыйзам жол бербейт”, — деди Дүйшеев.

Аталган факты боюнча документтер Чүй ОИИБине өткөрүлүп берилгени жатат.

Мыйзам боюнча күрөң аюуну аткандар 400 миң сом айып төлөйт.

Аталган рейд Экологиялык жана техникалык коопсуздук боюнча мамлекеттик инспекциясы, Айлана чөйрөнү коргоо мамлекеттик агенттиги жана Эл аралык NABU уюму тарабынан сентябрь айында боло турган Бүткүл дүйнөлүк ак илбирсти коргоо форумуна карата өткөрүлүүдө.

Источник: