Алай жана Чоң-Алайда мыйзамсыз аңчылыкка каршы рейд өткөрүлдү

✅2025-жылдын 7–9-март күндөрү NABU Кыргызстан уюмунун Барс-2 тобу Ош облусунун Алай жана Ноокат районунун егерлери менен биргеликте Алай жана Чоң-Алай райондорунда мыйзамсыз аңчылыкка каршы пландуу рейд жүргүздү.

✅Рейддин жүрүшүндө Чоң-Алай районунун Дорот-Коргон, Кызыл-Эшме айылдарынын аймактары, Алай районундагы Сары-Могол жана Кара-Кабак капчыгайлары, ошондой эле Сары-Таш менен Ак-Босого айылдарынын жайлоолору текшерилди.

✅Иш-чаранын алкагында жергиликтүү тургундарга NABU Кыргызстан уюмунун ишмердүүлүгү жөнүндө маалыматтар берилип, аң уулоонун мыйзамдуу эрежелери түшүндүрүлдү. Текшерүүгө алынган аймактарда мыйзам бузуу фактылары катталган жок.