Ысык-Көлдө мыйзамсыз балык кармагандарга 40 миң сом айыппул салынды

✅Учурда балыктардын уруктануу мезгилинде Ысык-Көлдө мыйзамсыз балык кармагандар аныкталып, аларга айыппул салынды.

✅NABU Кыргызстан уюмунун “Барс” тобу Кыргыз Республикасынын ЖРЭжТК министрлигинин Ысык-Көл регионалдык башкармалыгынын кызматкерлери менен биргеликте аталган аймакта мыйзамсыз балык уулоого каршы атайын рейд өткөрүлдү.

✅Текшерүү учурунда Тоң районунун Кызыл-Туу айылынын тургундары көл жээктеринде чабак балыктарын мыйзамсыз уулап жүргөн жеринен кармалды. Окуя болгон жерде тиешелүү протокол түзүлүп, аларга 40 миң сом айып салынды жана материалдар Ысык-Көл аймактык регионалдык башкармалыгына өткөрүлүп берилди.

✅Белгилүү болгондой, учурда балыктардын икра чачуу мезгили жүрүп жаткандыктан, мыйзам бузгандарга айып пул эки эселенип салынат. Бул экологияны жана жаратылыш ресурстарын коргоо максатында колдонулган чаралардын бири.

✅Рейд учурунда жаратылышка аяр мамиле кылуу боюнча жарандарга түшүндүрүү иштери да жүргүзүлдү.