Кеминде мыйзамсыз аңчылык кылгандарга 35 миң сом айыппул салынды

Чүй облусунун Кемин районундагы Талды-Булак айылынан мыйзамсыз аңчылык менен алектенген 3 жараан кармалды. Алар 2 кекилик, 2 кыргоол атып алышканы аныкталды. Бул факт боюнча ал жарандарга протокол түзүлүп, үчөөнө жалпы 35 миң сом айыппул салынды.

Ушул эле рейддин алкагында, мыйзамсыз көтөрүп жүргөн эки аңчылык курал да алынды. Алар боюнча акт түзүлүп, алынган куралдар далил буюм катары райондук милиция бөлүмүнө өткөрүлүп берилди.

Бул рейд NABU Кыргызстан уюмунун “Барс” тобунун кызматкерлерлери КР Жаратылыш ресурстары экология жана техникалык көзөмөл министрлигинин Чүй регионалдык башкармалыгынын аңчы адиси жана егери менен биргеликте өткөрүлдү.